ساكت يا وطن!!!!!!!!

[b] [center] [font:cd93=Comic Sans Ms]([color:cd93=darkblue] [size=18]ساكت ياوطن )
*****
ساكت ياوطن والحركََه تاكل بيك
لو خايف أظن والسكته من خوفك



من حرب الحرب جبنه العمر وياك
من اكل الجثث ما ينترس جوفك


مابيك الذنب كَول الذنب جا وين
يمكن نعتذر لو نفهم ظروفك


جنت المدرسه وبيك الشعب طلاب
وبس دك الجرس شو فارغه صفوفك


تقبل ياوطن يرضيك هذا الحال
ناسك للأسف تتراكض تعوفك


وتقبل ياوطن شبانك الحلوين
تتغرب غصب تحرمهه من شوفك


جاوب لا تظل ساكت يبو الثورات
عشرينك أمس تعيش بطيوفك


من طور الحزن ملينه ما مليت
جاطور الفرح ما تعزف دفوفك


من ريد الفرح بس كون ريدك سيف
موعيب بغمد اتنام اسيوفك


بايكَ ما صرت ما خاف من جلاد
مو هذا شعارك هذا معزوفك


جاشنهو التغير يا عراق شبيك
مو جانت دول ما تنطق حروفك


نعتب ياوطن من حبنه الك والله
شفناكم نهر عطشانه جروفك


ومن نصحك لأن صدكَنه كلنه اخطاء
يا بيت الكرم نبقه احنه ضيوفك


أصفن ويه نفسك راح تعرف زين
لو ما تنتفض جاضاع معروفك


عذراً يا وطن بس ثور حتى نثور
لو تكَضي العمر بالقيد جفوفك


موقصدي الوطن يعني الوطن بالذات
بعيون البشر هم موطن نشوفك
______________[/size]_[/color] [/font] [/center]_[/b]

[size=18][color:e4d4=red][font:e4d4=Comic Sans Ms][center][b]بانت عيون الشمس وشافت لخدك

شافت دموع حراكة تجوي بخدك

تحياتي شكرا[/b][/center][/font][/color][/size]

[color=red][b]شكرا رتاوي[/b][/color]

مشكوره حبيبتي

ساكت ياوطن والحركََه تاكل بيك
لو خايف أظن والسكته من خوفك
مشكورة رتاوي

تدللون حبايب